Im Rahmen vo unserem 80-jährigen Gründungsfest hod unser Ausschuss vergangenen Freitag noch Traunstein fahrn derfa, um beim Hofbräuhaus Traunstein a Bierprob z’macha
„O’zapft is!“ hod’s vo unserm Schirmherrn und Ehrenvorstand Sepp Helminger ghoaßn. Nachdem des erste Fass mit nur oam Schlag o’zapft war, hod’s a gscheide Brotzeit gem.
Im Rahmen da Bierprobe hom ma unser oids Maibaumzeichen im Museum vom Hofbräuhaus Traunstein aufghengt. Des Hofbräuhaus übernimmt ab sofort de Partnerschaft für des oide Maibaumzeichen – vielen Dank dafia, des gfreid uns wirklich gscheid!
Nachdem a unser erster und zweiter Vorstand a Fassl o’zapfa hom derfa, hom ma im Sudhaus den Abend no gmiadlich ausklinga lossn. Bei guada musikalischer Unterhaltung is plattelt und tanzt worn.
Für de hervorragende Bewirtung, de interessante Bierprobe und den rundum gelungenen Abend mecht ma uns beim Hofbräuhaus Traunstein no amoi ganz herzlich bedanken. Des war für unsern Ausschuss a rundum gelungener Abend!
